Albisteak

Jai bakoitzak bere erara amaitu du urte osoko ibilbidea, eta hainbat ekitaldi egin dituzte bai kultura arlokoak baita hezkuntza gaien ingurukoak ere, baina herri mailako ekitaldiak izan dira, ez dira orain arteko jai handi horiek izan. Bost jaiek argi zuten, halere, ezin ziotela urteari zapore mingotsarekin amaiera eman, eta ekitaldi nazional bat egitea erabaki zuten guztien artean, Ikastolak Herriari ekitaldia. Jarraitu irakurtzen.

Aste honetan Eusko Jaurlaritzak ezarri dituen arauen aurrean, azaroaren 13an Donostiako Kursaal-ean egingo den ‘Ikastolak Herriari’ ikuskizunarekin aurrera jarraitzea erabaki du Euskal Herriko Ikastolen Elkarteak. Baina neurrien ondorioz, eta aurrez iragarri zen ordu aldaketaz gain, beste hainbat aldaketa ere egin behar izan dira. Jarraitu irakurtzen.

Euskararen eta Euskal Kulturaren bost plaza handi dira ikastolen jaiak. Euskal musikari, kantari, dantzari eta ikuskizunetako hamaika artistaren adierazpenaren erakusleiho erraldoiak. Aurten ezin izan dira egin, baina ikastolek ez dugu hutsik utzi nahi izan aurtengo urtea. Horregatik, plaza horietako lagin bat prestatu dugu azaroaren 13ko ekitaldian erakusteko. Jarraitu irakurtzen.

TANTA elkartasun txartelak eskuratzearen truke iragarrita zegoen 60.000 euroren zozketa gaur egin da, urriaren 21ean. Andres Urrutia notario jaunaren aurrean egin da zozketa, eta hauxe izan da zenbaki saritua: 043.939. Zenbaki sarituaren onuraduna agertuko ez balitz, ordezko beste zenbaki bat ere atera da. Ordezko zenbaki hori hauxe da 017.203. Zenbaki sarituta duen TANTA txartela Amasa-Villabona eta Zizurkilgo Zubimusu ikastolaren bitartez saldu zen, eta ordezko zenbakiaren txartela, berriz, Gasteizko Armentia ikastolaren bitartez. Jarraitu irakurtzen.

Gipuzkoako Ikastolek hartu dute lekukoa gaur, “arduraz eta erantzukizunez”, Gipuzkoako Ikastolek “baldintzei egokitutako Kilometroak” egiten jarraituko dutelako. Aurten, eredu berriaren baitan ernaldu den pinpilinpauxak herriz herri jarraituko duelako. Jarraitu irakurtzen.

Aiztondo bailarako ahozko ondarearen bilketa eta hari buruzko ikerketa bultzatzeko xedez antolatutako Pello Mari Otaño ikerketa bekaren proiektu irabazlearen aurkezpena eginda gaur arratsaldean Zizurkilgo Iriarte etxean. Eta bertso saioa ondoren, Zizurkilen bertan, Intxaur frontoian. Jarraitu irakurtzen.

Nolakoa behar luke etorkizuneko euskal eskolak? Nola eraiki dezakegu eskola hori? Bi galdera horiei erantzuna ematen saiatu ziren atzo arratsaldean Kilometroak Astearen barruan Amasan egindako “Biharko Euskal Eskola” mahai inguruan. Oinherriko koordinatzaile Maite Azpiazuk, Xabier Sarasua Hik Hasiko kideak, eta Koldo Tellitu Ikastolen Elkarteko lehendakariak hausnartu zuten gaiaz.

Herrigintza, kultura, hezkuntza, herritartasuna, transmisioa eta erresilientzia oinarri hartuta, irailaren 28an hasi eta urriaren 4ra bitartean egingo da Kilometroak Astea. Jarraitu irakurtzen.

Orriak