Logoak euskal kulturan oso esanguratsua den ikur bat erakusten digu: Eguzki Lorea, izpiritu gaiztoetik babesteko eta egun ilunak argitzeko duen gaitasunagatik ezaguna. Landare hau tradizioz euskal etxeetako ateetan erabiltzen da babes-amuleto gisa.
Eguzki Lorearen hostoek hainbat forma eta kolore aurkezten dituzte, eta horrek euskal kulturaren aberastasuna eta aniztasuna sinbolizatzen ditu, baita kulturartekotasuna ere. Landarearen erdiko zirkuluak hosto ezberdin hauek guztiek ekartzen duten batasuna eta argia adierazten du. Logotipoak, gure herriaren ausardia eta indarra adierazten du bere kultura eta hizkuntzak dituzten mehatxu eta erronken aurrean.
Logo honek transmititzen duen batasun mezuak, Kilometroak euskara eta euskal herritarren batasuna sustatzeko duten garrantzia nabarmentzen du.
Leloa
izpiz izpi
Izpiak
eguzkiarekin lotura du, parte-hartzearekin, komunitatearekin, aniztasunarekin, argitasunarekin, egunsenti eta hasiera berriekin…
Izpiz izpi
aldaerak, dinamikotasun edo jolasti puntu bat gehitzen dio agian.
Azpeitia
herri antolatzailearen izenarekin ere hoskidetasuna du, eta hitz-joko eta erabilera ezberdin politak eman ditzake.