Albisteak

Pello Mari Otaño ikerketa deialdia aurkeztuko dugu asteazkenean. Ikerketa deialdia, Kilometroak egitasmoak eta Mintzola Ahozko Lantegiak antolatu dugu elkarlanean, Amasa-Villabonako eta Zizurkilgo Zubimusu ikastolaren eta Teodoro Hernandorena Kultur Elkartearen babesarekin. Deialdiaren eta bekaren berri Amasa-Villabonako Subijana etxean egingo dugun agerraldian emango dugu, 13:00etan hasita.

Mahi inguru interesgarri bezain politaz gozatzeko aukera izan genuen ostiralean Kilometroak dendaren aurrealdean. Zubimusu Ikastolako ikasleen galderak erantzuten aritu ziren Iñaki Artola, Ander Imaz, Anne Maiza, Iker Irribarria eta Eneko Maiz pilotariak. Kamiseten eta piloten zozketak ere egin ziren mahai inguruaren amaieran.

Ikusi argazki guztiak bilduma honetan: Pilotariak Kilometroak dendan.

Ostiralean, urtarrilak 31, arratsaldeko 17:30ean, Kilometroak dendaren aurrealdean, lau pilotari hauen bisitaz gozatzeko aukera izango dugu: Ander Imaz, Iñaki Artola, Anne Maiza eta Iker Irribarria. Zubimusuko ikasleek prestatu dituzten galderekin mahai ingurua egingo da eta bi kamiseta eta bi pilota ere zozkatuko dira.

Gaur, urtarrilaren 26a, egun handia izan da Amasa-Villabona eta Zizurkilen. Kilometroak Txikia jaia burutu du Zubimusu ikastolak, urriaren 4ko Kilometroak jaiari begira, motorrak berotzen hasteko. Giro paregabearekin, Zubimusu ikastolako ikasle, irakasle, langile, guraso, aiton-amona nahiz herritar ugarik hartu du parte ekimenean.

Kilometroak 20 festa nagusia urrian izango bada ere, ikastola buru-belarri ari da urte osorako ekintzak antolatzen. Ekintza horietako bat Kilometroak txikia jaia izango da, eta urtarrilaren 26an egingo da, eskualdea girotzen hasteko.

Egun horretan, Kilometroak 20ko dendara etorriko diren hainbat bisitarik bi opari ekarriko dituzte. Bi opari horiek egun horretan bertan zozkatuko dira: hain zuzen ere, zozketa-txartelak eskuratu dituztenen artean.

Zubimusu ikastolak erronka jaurti du: zaudeten tokian zaudetela, atera argazki bat 2020ko kilometroak-eko arropak edota osagarriak soinean dituzuela edo grabatu bideo bat “Korri, punpa, ttak” esanez, pilota jaurtitzen ariko bazinete bezala. Zabaldu irudiak sare sozialetan ##KMKIbiltaria eta #KorriPunpaTtak hastag-ak erabilita eta @kilometroak aipatuta.

Joan den azaroaren 18an salgai jarri zirenetik, Kilometroak 2020ko arropa eta osagarriek harrera bikaina izan dute, bai Villabonan bertan kokaturiko dendan, bai herriz herri ibili den denda ibiltarian.

Orriak