Albisteak

KILOMETROAK TXIKIA FESTA

Kilometroak 20 festa nagusia urrian izango bada ere, ikastola buru-belarri ari da urte osorako ekintzak antolatzen. Ekintza horietako bat Kilometroak txikia jaia izango da, eta urtarrilaren 26an egingo da, eskualdea girotzen hasteko.

SORPRESAK KILOMETROAK DENDAN

Egun horretan, Kilometroak 20ko dendara etorriko diren hainbat bisitarik bi opari ekarriko dituzte. Bi opari horiek egun horretan bertan zozkatuko dira: hain zuzen ere, zozketa-txartelak eskuratu dituztenen artean.

KMK IBILTARIA

Zubimusu ikastolak erronka jaurti du: zaudeten tokian zaudetela, atera argazki bat 2020ko kilometroak-eko arropak edota osagarriak soinean dituzuela edo grabatu bideo bat “Korri, punpa, ttak” esanez, pilota jaurtitzen ariko bazinete bezala. Zabaldu irudiak sare sozialetan ##KMKIbiltaria eta #KorriPunpaTtak hastag-ak erabilita eta @kilometroak aipatuta.

HARRERA BIKAINA

Joan den azaroaren 18an salgai jarri zirenetik, Kilometroak 2020ko arropa eta osagarriek harrera bikaina izan dute, bai Villabonan bertan kokaturiko dendan, bai herriz herri ibili den denda ibiltarian.

'KORRI, PUNPA, TTAK' ILLUNBEN

Elkartasun eta ilusioz betetako eguna izan zen abenduaren 14koa Donostiako Illunben. Zubimusu ikastolak erronka handia zeukan esku artean, Gipuzkoako Bertsolari Txapelketako finalean, bertako tabernen kudeaketarekin. Egun guztian zehar, oihartzun berezia izan zuen "Korri, punpa, ttak" leloak.

ZUBIMUSU, GBT-KO FINALEAN

Bihar, abenduak 14, Gipuzkoako Bertsolari Txapelketako finalean, Illunbeko tabernen kudeaketa bideratuko du Zubimusu ikastolak, 2020ko Kilometroak jaiari oihartzuna eman eta sos batzuk lortzeko asmoz.

ORDUTEGI BERRIA DENDAN

Gabonetako opariak prestatzen ari zara, eta ideia bila zabiltza? Kilometroak dendan adin guztietako jendearentzako moduko arropak eta osagarriak ditugu aukeran. Gainera, aste honetan eta hurrengoan (abenduaren 9tik 20ra), 16:30ean zabalduko dugu denda, 20:00ak arte, erosketak lasai-lasai egin ditzazun.

DENDA PREST

Ilusioz eta auzolanean eraberritu eta atondutako Kilometroak 2020ko dendak datorren azaroaren 18an zabalduko ditu ateak. Dendaren inaugurazio-ekitaldia, berriz, azaroaren 21ean egingo da, ostegunean. Villabonako Antzin kalean dago kokatuta.

Orriak