Albisteak

Hitzarmena izenpetu dute 'Berria' komunikazio taldeak eta Kilometroek. Euskara eta euskal kultura sustatzeko konpromisoa berresten dute honen bidez.

Iñigo Urkullu Eusko Jaurlaritzako lehendakariak Zarauzko Kilometroetako ordezkaritza hartu du. Informazioa elkarbanatu dute, giro adeitsuan, eta urriaren 6rako deia egin dute.

Salsa, sona, cumbia, runba eta munduko musika estilo ezberdinak euskararekin uztartuta ekin zioten bideari Zarauzko Tik Tara taldeko lagunek hasieran, ‘Sorrera’ diskoarekin.

Urriaren 6an Kilometroak ospatuko da Zarautzen. Zirkuituak hiru gune izango ditu: Ni-a, Zarautz, malekoian. Bertan, erronkako probak egiteaz gain, herriko hainbat musika-talderi egingo zaie tokia: Skasti eta Pottors eta Klito, kasurako; Hi-a ikastolan kokatuko da. Haur eta familientzat egokitutako hainbat gune izango dira. Hura Mollarrin izango da. Gazteenentzat pentsatutako gunea da. Sonakay, Ane Guria, Bad Sound eta beste hainbat talde izango dira bertan.

Urriaren 6an Kilometroen egitarauaren baitan emango duten kontzertua prestatzen ari dira Pottors ta Klito taldeko lagunak. Salbuespen bakanak kenduta, gune eta kontzertu autogestionatuetan aritu dira oro har orain arte. Kilometroak ere, auzolanean antolatua den heinean, jai autogestionatutzat dute, eta ohi baino plaza handiagoan joko duten arren, "beti ere 'zuk zeuk egin' filosofiak duen goxotasunaren babesean" ariko direla nabarmendu dute.

Urriaren 6an, Kilometroen egitarauaren baitan Zarauzko Skasti musika-taldea entzuteko aukera izango da. Taldeak lotura handia du Zarauzko Ikastolarekin: taldekide asko bertako ikasle izandakoak dira, eta bakarren bat irakasle ere izan da bertan. “Energiaz beteriko kontzertua” eskaintzeko lanean ari direla adierazi digute.

Xabier Txurruka Zarauzko alkatea eta Belen Murua Zarauzko ikastolako zuzendaria eta Iñigo Ameztoi lehendakaria elkartu dira. Ikastolak Udalari eskertu dio urte osoan udalak izandako jarrera lagungarria eta emandako babesa, eta urriaren 6ko festarako elkarlana berretsi dute

Kilometroetako lantaldeetako arduradunek alkohol eta droga kontsumoaren prebentziorako formakuntza jaso dute, Agipaden eskutik. Helburua da nerabeak eta gazteak kontsumo arduragabeen ondorioez ohartaraztea

Kilometroei buruzko informazioa partekatu dute Jabi Asurmendi Udalbiltzako ordezkariarekin

Orriak