[BIDEOA] Zeinu hizkuntza, Kilometroetarako ate

Zeinu hizkuntzadun lantaldekoek bideo bat ondu dute urriaren 6an Zarautzen Kilometroetan izandako bizipenekin. Askori Kilometroak ezagutzeko balio izan die, eta esker ona agertu dute inklusibotasunean egindako urratsarengatik.

Kilometroak inklusiboak izatea. Hori agendan egon den gaia izan da antolatzaileentzat urte osoan. Bide horretan urrats bat egin da zeinu hizkuntza txertatuta zenbait ekitalditan. Kilometroei hasiera eman zien goizeko ekitaldian egon zen zeinu hizkuntza bidezko itzulpena; eta bestetik, ikuskizun bat ere egin zuten.

Kilometroak ezagutzeko balio izan die Zarautzen izan diren zenbait taldekideri, eta esker ona agertu dute inklusibotasun ikuspegi hori txertatzeagatik jaian.