Auzolanean hartu da hondartza

Auzolanak irabazi du berriz ere. Giro ezin hobean joan da Hondartza Hartu ekimena. Tai-Chi saioarekin hasi da eguna, 09:00etan, hondartza ia hutsik zela. Ordubeteko saio horren ondotik hasi da jendea gerturatzen kubo, pala, kometa eta bestelako tresnekin goiz pasa egitera.Txisturlarien laguntzaz iritsi dira hondartza, Ni, Hi eta Hura mamorruekin batera. Arraio irratiko lagunek girotu dute goiza, elkarrizketak, musika eta kronikak tartekatuz.

Tropelarako zirkuitua egiten iragan du denbora gehiena jendeak. Gero kanikatxoak prest zituzten leihaketarako. Urtero bezala, irudimena ez da falta izan eta sekulako ibilbideak ikusi ahal izan dira. Ederki pasa dute gazteek.

Hondar artea eta eskulturak egiteko beta eta kometak haizatzakoa ere egon da. Surfa ezagutzeko aukera ere eskaini dute elkarteetako zenbait boluntariok.

Hondarretan bestelako ariketa bat ere egin dute: mikroplastikoak biltzeko erronka jarri dute. Ariketa horren bidez, gazteak ohartu dira ingurunea zaintzearen garrantziaz.

Eta lehorrean jolasak nahi zituztenak, mahai jolas erraldoiak izan ditu batetik; eta arte tallerrak ere bai, bestetik.

Hori guztia, ikastolako gurasoek auzolanean egindako patata tortilla, txorizo pintxo eta Getariko antxoaz lagunduta joan da. Herriko hainbat taldek eta elkartek auzolanean ondutako festa izan da: Salbatore Mitxelena Ikastola, Ikastolen Elkartea, Tropela Elkartea, Artezaleak, Zelai Ondoko Jai Batzordea, SKAPA, Vista Alegreko Jai Batzordea, Hiruerreketa Auzo Elkartea, Pagoeta Mendizale Elkartea, Arkamurka, Bilgune Feminista, Arraio Irratia, Shelter eta Zarauzko Surf Elkartea.