Albisteak

Denok dakigu Kilometroak proiektuan abestiak eta bideoklipak garrantzi handia dutela, eta horregatik, aurkezpen-ekitaldi berezi bat egiten dela horiek plazaratzeko. Aurten, aurkezpen hori apirilaren amaieran egiteko asmoa genuen, baina, bizi dugun egoerak hala bultzatuta, ezin izan dugu halakorik egin. Bideoklipa oraindik ez dugu prest, baina abestia bukatuta dugu, eta Kilometroak proiektua bizirik dagoen adierazgarri, abestia plazaratzea erabaki dugu. Noiz? Ostiralean, hilak 29. 12:00etan aurkezpen bideoa zabalduko dugu eta 12:15etan abestia, hurrengo plataforma hauetan: Facebook, Instagram, Twiter, Youtube, Soundcloud eta kilometroak.eus webgunean.

Duela aste batzuk, ikastolen udaberriko jaiak atzeratu egin genituela iragarri genuen, eta hurrengo asteetan berauek udazkenean egiteko aukera aztertu eta datak bilatuko genituela. Horretan aritu gara asteotan, jai guztiok elkarlanean, daten egokitasuna ikusten, jarritako helburuak bete ahal diren aztertzen, udazkenean ospakizunak egin ahalko diren aurreikusten… faktore horiek eta beste zenbait aztertu eta gero, udazkenean ikastolen aldeko jaiak ospatzea erabaki dugu.

Dakizuen bezala igandean Herri Urrats ospatu behar zen, baina ezeztatu egin behar izan dute. Festa nagusiaren ordez, Kanaldude telebistan zuzenzko saio bat prestatzen ari dira eta horretarako jendartearen partehartzea eskatu dute. Brindis bat egingo dute.

Ezohiko egoera aintzat hartuta eta hala egiteko aukera ikusita, antolatzaile garen Kilometroek eta Mintzolak zein babesle diren Zubimusu Ikastolak eta Hernandorena Kultur Elkarteak deialdira aurkezteko epea luzatzeko erabakia hartu dugu. Honenbestez, ikerlan proposamenak ekainaren 19ra arte aurkeztu ahal izango dira, eta ebazpena uztailaren 2an argitaratuko da, beranduenez.

Martxoaren 16an jarri zuen martxan Aiurri hedabideak #BertsoVid19 bertsokatea, eta dagoeneko 500 lagunetik gora izan dira bata besteari jarritako puntua erantzunez erronkan parte hartu dutenak. Kilometroak taldeari ere bota diote erronka, eta gu ere animatu gara bertsokatea egitera!

Koronabirusaren aurrean zehazten ari diren neurriak jarraituz, 2020ko Kilometroak jaiaren bueltako ekintza publiko guztiak atzeratzera erabaki du antolakuntza batzordeak. 

Azken lau urtetan hausnarketa prozesu batean murgilduta egon dira Gipuzkoako Ikastolak. Hausnarketa horren ondorio izan da, Kilometroak jaiaren birsortzea, eredu berri bat jarraituz. Hala, Gipuzkoako ikastola guztien jaia urriaren 4an izango da aurten, Amasa-Villabona eta Zizurkilen, bertako Zubimusu Ikastolaren eskutik. “Hemendik aurrera eredu berri bati bide emango diogu, teoriatik praktikara salto eginez”.

Kilometroak 20ko materiala online dendan erosteko aukera izango da aurrerantzean www.kilometroak.eus gunean. Haurtxo, haur, gazte nahiz helduei zuzendutako produktu sorta zabala eskuratu daiteke, arropa eta moda osagarriak nahiz bestelako materiala: pilotak, saskiak, botilak, askarirako zorroak, aterkiak, giltzatakoak… Ikusi katalogoa eta egin zure eskaera denda atalean!

Orriak