Prebentzioaren alorretik hainbat lanketa egin dira urte osoan barrena Kilometroak 2016n. Batetik, edari alkoholdunen banaketa arduratsua sustatzeko dekalogoa landu da. Bestalde, eraso sexistarik gertatuko balitz zela jokatu behar den jakiteko jarraibide batzuk landu dira eta gai honen gaineko protokoloa.

Realeko futbol talde nagusiak bat egin du igandean Bergaran ospatuko den Kilometroak jaiarekin. Osteguneko entrenamendu saioaren aurretik, Demasa leloa duen kamisetekin, kartelekin eta pankartarekin batera atera dute argazkia, jokalariek eta entrenatzaileek.

Ikastolen Elkarteak, Batura Mobilek eta Euskaltelek, elkarlanean, Kilometroak jaiaren gaineko aplikazioa sortu dute adimendun telefonoentzako. Ikastolen App Ofiziala. Ibilbidean zehar ekitaldi guztiez gozatzeko gida praktikoa eta Erronka probak bikain jarraitzeko Ikastolen App-a da.

Aranzadi Ikastolak, kilometroak 2016ren antolatzaileak, dei egin die Debarroko herritarrei, bizikleta erabil dezaten Bergarara hurbiltzeko igandean, Kilometroak egunean. Hala, modu "eroso, jasangarri, osasungarri eta merkeenean" mugitu ahalko dira herritik herrira. AMPOk babestutako ekimena da.

Igandean gune guztietan izango da jateko aukera, txosnetan. Bi gunetan herri bazkariak ere izango dira: Ikastolan (Udal Piloatekuan) eta Azokan. Azken honetan, 25 euroren truke, Lur-Lan Baserritarren Elkarteak eskainitakoa. 13:00-14:30 txandarako txartelak salgai, 20 euroren truke HEMEN.

Igandean, urriaren 2an, Bergaran ospatuko den Kilometroak 2016 jaia dela-eta, Lurraldebusek eta PESAk joan-etorrien beharretara egokitu dute busen zerbitzu-eskaintza. Hala, indartu egin dute Bergarara joan-etorriak egiteko zerbitzua, busak maizago ibiliko direlarik.